二○○五年度香港小姐競選進行得如火如荼，昨日二十位佳麗與李彩華及文頌嫻出席宣傳活動，首次與候選港姐會面的李彩華，不時逗弄現場觀眾的BB，對於今次競選她自言沒有心水，而文頌嫻則大讚8號葉翠翠搶鏡。
二○○五年度香港小姐競選二十位候選佳麗，昨日與李彩華及文頌嫻在尖沙嘴香格里拉酒店出席巴黎雪完美護膚品宣傳活動。
文頌嫻唔選亞姐
李彩華昨日與文頌嫻不時逗弄台下觀眾的可愛BB，提到今年港姐質素如何，李彩華說：「今日先至有機會同啲港姐見面，啲港姐都幾靚，但心水我就冇乜。」李彩華最近接拍電視劇《阿有正傳》，並與張衛健及劉曉慶合作，稍後將會遠赴南海取景。
文頌嫻首次與候選佳麗會面，她說：「今年嘅港姐質素的確唔錯，特別係八號，好明顯比較搶鏡，做港姐我覺得最重要保持心情開朗，同埋啲肌膚保持容光煥發，其實以前我喺亞視時，公司都有叫我去選亞姐，但我考慮過後都冇答應，因為我唔想着三點式泳衣喺人面前走嚟走去。」
3號朱麗賢突黑面
8號葉翠翠每次出席公開活動總成為傳媒焦點，未知3號朱麗賢是否因風頭被搶，昨日忽然黑面，不過她否認說：「唔係，我唔舒服啫！可能呢排成日出入啲冷氣房，所以冷病咗，雖然我唔舒服，但我知道港姐要保持親切同燦爛笑容，所以我會成日笑。」
採訪：魯萍
攝影：何國豪
