實惠傢居廣場有限公司本月初提供購物半價優惠，有顧客專程往光顧為新居添置家具，豈料落定後送貨當天才獲告知所訂購家具已出售，須另選購，但價錢相差達一半。顧客投訴實惠以半價作招徠，吸引客戶落定後卻迫其買貴貨。
顧客雷小姐直斥實惠宣傳不符實，她向《蘋果》投訴稱，實惠早前大事宣傳，在七月初的數天內到實惠購物，可獲五折優惠，她於本月一日前往北角新都城大廈實惠傢居選購，為母親新居添置家具。
辯稱電腦出錯將貨出售
她憶述，她千挑萬選下揀得兩個分別原價二千元的衣櫃，合共四千元；於五折優惠下，她只需二千元便購得兩個衣櫃，並即付一千四百元定金，雙方並約定本月二十二日送貨，但當日她等了半天仍未見有實惠職員聯絡送貨時間，她主動致電實惠查詢，職員才告知她：「嗰兩件貨已經冇咗」，着她到另行選購其他貨品。
「真係離譜！明明落咗定都會冇，一時又話電腦出錯、一時又話賣咗畀人，都唔知點解會咁！」雷小姐稱，其後職員即安撫她謂「畀個員工價你」，她只好再到實惠另行選購家具，揀得另外兩款分別價值二千元的衣櫃，但職員說，只能給她九折優惠。
「我上次揀嗰啲計埋都只係二千幾，但今次要三千幾，我覺得唔係好值，同佢哋講我揀唔啱價錢同唔啱心水，叫實惠退番錢畀我，但佢哋竟然話唔得！」
聲稱感到受騙的雷小姐稱，由於是實惠出錯，故再要求退款，好讓她再到其他傢俬店選購，但實惠堅拒，令她母親的入伙期亦因此延誤。
「佢哋自己搞錯就夾硬屈客人買貴貨，以半價優惠做噱頭，等客人嚟落定之後就焗我買貴貨，對消費者好唔公平！」
實惠傢居廣場有限公司函覆本報時表示，對事件甚表關注，並已即時對事件作出詳細調查及跟進，是次乃因安排關係，令雷小姐原定已落實購買之兩件貨品未能提供，職員已即時聯絡她致歉並解釋。
顧客無選擇只好妥協
覆函又稱，實惠本着「以客為先」精神、提供以九折的特別優惠購買另外兩組全新衣櫃，並送贈共三百元現金禮券予雷小姐，她最終只需補回九百二十元差價，她亦樂意接受。
雷小姐對此安排卻顯得甚無奈，「根本就係焗住要咁揀，五折同九折完全係兩回事、又唔可以退款；但又要趕住入伙，我都冇晒辦法，惟有妥協！」
（○七二四○七三）
服務熱線
電話：29908288
傳真：23702192
電郵：[email protected]