澳門愈嚟愈興旺，零售業紛紛過江搶灘，九年前已經喺澳門開舖嘅化妝品連鎖集團莎莎，亦趁勢喺澳門擴張，喺議事亭前地連開兩間新分店，噚日重搞咗個森巴嘉年華，請咗一班森巴女郎巡遊賀新店開張，可惜，澳門噚日成日都天陰陰，到開張吉時，重突然落大雨。
所謂「水為財」，老闆郭少明同老闆娘郭羅桂珍當然唔拘，郭生重好溫馨咁，一手撐住把「莎莎遮」，一手拖住老婆。不過，更溫馨嘅場面重喺後面，原來郭家大小姐同小公子趁暑假，跟爸爸媽媽出嚟見吓世面，當郭生、郭太同嘉賓一齊剪綵時，郭家小公子特登走去對面舖前面一個高台，攞部攝錄機影低父母嘅威水場面，係咪好抵錫呢！
爆料熱線：29290000、27860099
報料傳真：26239278
報料電郵：[email protected]