四名隸屬香港仔警署的警員，身處滿室石油氣的房間中，面對情緒激動手持打火機的醉漢，憑冷靜頭腦與敏捷的行動，將一場引發大爆炸的家庭悲劇化險為夷。
拖延時間等氣散
事件中參與游說的香港仔警署巡邏小隊第三隊警長何鎰強，講述事件時仍覺驚險：「我哋入到間房，聽到石油氣喉管『絲絲』聲，大量氣體漏緊出嚟，全層樓好大陣味，房內男子好激動，攞住打火機話要點火，情況真係好危險！」何警長與兩名警員及一名警署警長，與醉漢近在咫尺展開對話，何警長說：「我哋發現個窗爛咗，就拖延時間等啲氣體散開。我搭住佢膊頭開解佢，希望拖得就拖，直至喉管開始冇聲，我哋知道啲氣已經漏晒啦。」
何警長說：「佢點煙後發現石油氣漏走就即刻閂窗，重諗住衝出去對住喉管點火……俾佢走埋去就大件事啦，於是我哋一齊撲前，合力搶走打火機同將佢㩒喺地下制服。」四名警員表示事件中在沒有造成傷亡下完成此危急任務，感到十分開心。
本報記者