名模AnaR.、Mikki和歌手陳苑淇，昨日在灣仔演出婚紗騷，眾人中以近期自爆增磅十磅的AnaR.最搶鏡，見她上圍豐滿，原來增肥後上圍大了兩吋，雖令男友欣喜，但仍堅持想減去十七磅，回復初入行時美態。
暴肥十磅、揚言絕迹泳衣騷的混血名模AnaR.，昨日與歌手陳苑淇及Mikki等在灣仔會展為羅浮宮演出婚紗騷；胡定欣和姚嘉妮則為新天地行騷。AnaR.增磅後身材突變，穿上婚紗及大露背晚裝時，上圍非常豐滿誘人，AnaR.亦說：「係呀，我肥咗連胸都大埋，早排去美容院搽咗啲firminggel，重由32B升到34B，大咗兩吋！」
AnaR.豐胸後，男友周立璟非常開心，她說：「當然啦！每個男人都會開心㗎啦，我唔怕佢介意我講，因為我只係講事實。其實我覺得𠵱家身材都幾靚，啱晒着晚裝。」
陳苑淇緊張蝦碌
AnaR.又透露小時候曾有隆胸念頭，現時就不想胸部再發育，她說：「我唔鍾意胸部太大，因為身形望落好易變得好大隻。我𠵱家反而要積極減磅，已經請咗私人教練，每個星期做gym三次，每次個半鐘。」
現時體重五十八公斤（一百二十七點六磅）的AnaR.希望回復到初入行時的五十公斤（一百一十磅），她說：「我每逢有壓力就會食嘢減壓，所以易肥，𠵱家我改做瑜伽減壓，可惜唔係好掂，我寧願同朋友煲兩個鐘頭電話粥。」
陳苑淇則以代言人身份行騷，但她表現緊張，又不時窒步，完騷後她解釋說：「今日好蝦碌，因為條裙啲鋼紗整得唔好，我行騷時kick住，好似跨欄咁，所以行得麻麻。」
採訪：JessicaNgan
攝影：EdwardChou
