「我讀書成績麻麻哋，只係讀到中五，不過興趣都可以變成工作，我希望將來可以繼續賣Lolita（宮廷）服飾，開埋舖，將興趣變成事業。」現年二十歲的Yuki在漫畫節同場設置的創意大笪地租了一個攤位賣Lolita服裝及飾物，她本身也是Lolita迷，昨日穿上自家的貨品催谷生意。
數小時賺幾千元
今年首次在大笪地擺賣，數小時內就賺了幾千元，Yuki自言非常滿意，「我上年開始鍾意着Lolita就開始喺網上拍賣呢啲衫，喺網上每個月都賺到二千蚊左右，有咗一年拍賣經驗，今年試吓出嚟擺檔。」Yuki稱，擺檔投資了八千元，包括找師傅做衫，以及在批發市場買入首飾，她也親自做了一些飾物，相信可以獲得盈利。她希望將來可以開設自己的Lolita店舖，將興趣變成事業。
同場的中四學生Ruby和其二十六歲的姊姊Zero則是年輕人成功創業的好例子。她們兩年前開始在創意大笪地擺檔，售賣自己用Lego積木及玩具製成的首飾。Zero說：「我哋覺得年輕人會鍾意一啲特別嘅飾物，所以就嘗試將玩具改裝拎出嚟賣。」她們以大笪地作為創業的試金石，結果產品大受歡迎，一年前更在旺角及尖沙嘴開設了兩間飾物店。
本報記者