奀妹傅天穎今日將會喺台灣嘅中山醫院開刀分娩，肚入面個BB已知道係男仔，重改咗名叫陳玄宇。雖然呢次係佢第一次生BB，但佢完全唔緊張，腹大便便嘅佢重周圍走，一時去片場探老公陳子強班，十日前又去影樓影大肚婆寫真，真係唔到你唔服。
問到奀妹點解去影大肚婆祼照？奀妹只係話會努力keep弗，馮仁昭就估佢應該係做咗纖體代言人啦！奀妹今次雖然全祼上陣，但佢全程用手遮住佢豐滿嘅上圍，至多係露吓佢粒凸肚臍咋！
老公陪拍寫真
而除咗奀妹之外，佢老公陳子強都出埋鏡，重好溫柔咁輕輕掃奀妹個肚，咁又係嘅，BB就快出世，梗係要摸多兩下啦。
