較早前公布與微軟簽訂入股備忘錄的浪潮國際（8141），在消息公布後股價曾經回軟，但昨日成交急增，股價重抽上6.6%，收1.13元。經紀陳話，出現咁情況，市場即刻傳浪潮同微軟單交易好事近。但佢就引述表叔意見，話就算真係落實，亦唔見得對間公司有咩好處，反而怕大戶趁好消息出貨。
本月初，浪潮話同微軟簽無約束力諒解備忘錄，微軟將投資2500萬美元於浪潮。經紀陳話，表叔線來料，話應該係用可換股債券或票據方式進行，但相信微軟唔會搞全面收購。佢又話，浪潮同微軟單交易，在香港或者無咩人講，但在大陸就引起好大迴響，因為浪潮只係軟件貿易公司，微軟入股對間公司有咩幫助實在難明，大陸同胞反而認為微軟志不在此，反而同浪潮響大陸的關連企業有合作至真。
浪潮昨日成交1140.08萬股中，包括1手500萬股，每股1元的非自動對盤，真係唔敢講係唔係大戶之間眉來眼去一齊玩之象。
慕容小初