何超儀早前到泰國及日本旅行後，因感染熱帶病毒而留院隔離多日，昨天其經理人表示醫生證實該病毒不會傳染後，超儀即不斷要求出院，經一番苦求，她終於在傍晚時分由丈夫陳子聰陪同返家，據悉醫藥費共花了十多萬元。超儀坐着輪椅出院時一臉倦容，問到她病況如何時，她只是揮揮手示意，而其經理人則為她把十數袋衣服等物品搬上車。
嘔綠色膽汁
據超儀經理人表示，超儀住院六天期間不斷表示很辛苦，她說：「最初醫生唔主張出院，𠵱家超儀要食藥兩星期，同埋定期覆診。超儀話佢咁大個人未試過咁辛苦，全日覺得天旋地轉，佢入院第二日嘔咗好多綠色嘅膽汁，呢幾日都要注入鹽水同抗生素，佢覺得好痛，之後改為打針，每日都喺屁股打好多支，𠵱家每邊屁股都有三十幾個針孔，好似紋身咁，再要搵位打針都唔得。」超儀經理人又謂下月她要演出《人神鬥》，本來要跳舞，但因耳水不平衡未必能做到。
採訪、攝影：陳慧安