鍾意睇網球嘅朋友一定會留意四大滿貫賽事，不過北京舉行嘅中國網球公開賽，都係一項頂級盛事。呢個賽事係國家體育總局同北京市人民政府主辦，今年九月喺北京舉行第二屆，周凱旋嘅TOM集團會聯同中國網球運動協會、北京市體育局同中國網球公開賽體育推廣公司承辦。
賽事原本係TOM嘅附屬公司負責，早輪因為同合夥人有爭拗一度要對簿公堂，最後大家庭外和解，可順利進行。
噚日佢哋喺北京舉行記者會，連續第二年協辦嘅TOM首席執行官兼執行董事王兟話，推廣體育都係集團其中一項重點業務，所以佢哋會全力支持國內體育事業，希望藉此增加佢哋舉辦國際賽嘅經驗，同奠定集團推廣國內體育嘅領先地位。
TOM集團今次邀請咗沙芬、戴雲寶、舒拉寶娃等國際知名球手參賽，而國內球手則有李娜、李婷同孫甜甜等，總獎金逾一百萬美金。唔知周小姐會唔會去睇呢？
傳真︰2623-9278
電郵︰[email protected]