符思思昨日起程往新加坡讀書，她坦言完成學業之後，不會重投娛樂圈，她說：「因為讀完都二十五、六歲，太老，我係讀物料工程，到時我想做有關呢方面嘅研究，雖然爹哋做木廠生意，但我都幫唔到手。」
符思思續說：「其實我去新加坡讀書係因為我有兩個妹妹都喺嗰邊讀緊，佢哋兩個知道我去新加坡都唔知幾開心，有一個細妹嚟緊考升學試，重叫我幫佢補數學。」
返港為師妹加冕
符思思離開香港，只有她的家人及選港姐時的好友周思敏送機，符思思說：「其實噚晚Rosa（港姐統籌經理陳紫蓮）、徐子珊同戚黛黛一班港姐都有同我食飯，Rosa重叫我畀心機讀書，下個月十八號我都會返香港，為港姐加冕。」
採訪、攝影：卓美娟