何韻詩主演的舞台劇《梁祝：下世傳奇》四天內共演七場，門票昨日公開發售，反應熱烈，一早已有數十名歌迷在公開售票網排隊買飛，加上不少歌迷在網上訂購，一度令網絡出現癱瘓，短路四小時才恢復正常，現時首場及尾場的門票已售罄。
一名在尖沙嘴排頭位購票的婆婆，不滿要苦候多時才能買到門票，據知有人買飛時更中暑。
考慮加場
問到有關方面可會考慮加場時，東亞娛樂回應說：「因為阿詩同各位演員都度好晒期，或者考慮喺稍後日子開Part2。本來尾場留咗飛畀贊助商，但歌迷投訴買唔到，今日已經將呢啲飛拎埋出嚟賣。」
而阿詩則說：「我上網睇過，心情好矛盾，一方面擔心歌迷排隊時會中暑，但又開心咁多人支持。」