徐子淇學成歸來，希望憑自己的實力創出一番事業，更揚言絕不會借助富豪男友李家誠的人事關係。子淇笑言將來即使犯錯被上司責罵，背人垂淚後一定可收拾心情繼續上班，絕不輕言放棄。
在英國攻讀經濟學碩士學位的徐子淇，早前完成課程後即返港，稍後則會撰寫畢業論文，預計十二月再往英國出席畢業禮。
試驗個人實力
日前問到子淇對畢業後有何憧憬時，她說：「我會試吓挑戰自己去搵工，一定唔會靠人事關係去見工同做嘢。」她又表示，即使效力富豪男友李家誠家族生意旗下公司，也會靠自己的實力面試。
子淇說：「我想試吓自己嘅實力，因為靠人事關係做嘢好麻煩，做得唔好會俾人講閒話。反而我靠自己實力，除咗可以學以致用之外，就算做錯嘢俾上司鬧，我都心甘命抵，唔錯吓又點會有進步。」
自言看淡名利
不過子淇笑言，若工作出錯被罵，一定會偷偷垂淚，她說：「不過我喊完就冇嘢，反省過後一定會做得更好。」
子淇坦言不太重視名與利，所以將來不會戀棧娛樂圈，她說：「我喺娛樂圈工作咗咁多年，開始睇得好化，名利對我嚟講唔重要。」
採訪：比華利
攝影：陳偉權
服裝：PacinoWan
髮型：Phebus（Privatei）
場地提供：香港製造
