無綫劇集《妙手仁心III》的演員林保怡、陳豪、黎姿、邵美琪、吳美珩及曹永廉等，昨日出席在將軍澳電視廣播城舉行的「將軍澳工業邨捐血大行動」啟動禮。
黎姿勇捐處女血
演員黎姿、吳美珩和姚嘉妮等都身體力行即時捐血，黎姿、廖碧兒更是獻出第一次，勇敢捐出「處女血」，黎姿說：「其實我都好緊張，因為細個有陰影，去驗血俾人拮到好痛，再加上我未試過捐血，今日第一次捐血，所以好猶豫。」
劇中男主角林保怡在啟動禮後，就立即逃之夭夭，而陳豪則未有捐血，但卻在捐血場地搞搞震，扮醫生按着吳美珩的額頭探熱，問他何解不捐血，他說：「我捐咗冇幾耐，所以未夠期。我係個捐血常客，除咗捐血之外，我重有器官捐贈卡，我乜都捐，用得就攞去。」問到他甚麼都捐，捐精又如何？陳豪說：「唔知喎，邊個需要呀？我諗我唔會，我係一個傳統嘅人。」
採訪：楊潔雯 攝影：仇志德
