獨樂不如眾樂,香港電台節目《開心日報》為向一啲平時缺乏親友關懷嘅小朋友送上愛心,搵咗多個玩具廠商捐出玩具,噚日送畀二百幾個嚟自進心會同和諧之家嘅小朋友。呢批玩具價值有限,不過班小朋友收到禮物,個個都愛不釋手即刻捧住嚟玩,展現難得一見嘅笑容。
臨床心理學家何鳳珠話,小朋友唔同大人,唔識點樣適當發洩情緒,特別係一啲失去至親嘅小朋友,可能受到嚴重打擊而唔識反應,亦有人會覺得親友嘅死同自己有關而感到內疚。佢話如果見到小朋友唔開心,千祈唔好掉以輕心,否則可能影響佢哋身心成長。
傳真︰2623-9278
電郵︰[email protected]