近排本地傳媒熱鬧非常，除先後有兩份免費報章創刊，電盈旗下NOW寬頻電視又話會搞條財經頻道。不過，對𠵱家經營緊嘅本地傳媒就未必係好事，事關競爭已咁激烈，有人要入嚟爭，好似《成報》咁，就一直苦苦經營，早一輪更經常傳佢哋冇糧出，聽到都唔開心。
日前佢哋嘅控股公司，星美出版公布截至今年三月底止年度業績，營業額跌至一億零八百萬左右，股東虧損就維持喺一億元水平，年結時公司現金同銀行結餘只有二百萬左右，連佢哋個核數師都要話，若果公司能落實額外籌集資金方法，對佢哋可應付未來嘅財務責任感到滿意。情況係點可想而知。
傳真︰2623-9278
電郵︰[email protected]