新片《野蠻必殺技》昨在北京開鏡，張栢芝突稱患了重感冒，要求回港醫治，拍了一會便匆匆走人。栢芝表示可能是用過基仔的外套，因而惹了對方的感冒菌。記者曾小嘉北京直擊
張栢芝、古巨基、元華、元秋和黃一飛，昨日在北京舉行電影《野蠻必殺技》開鏡拜神儀式。本來栢芝和基仔要拍一場結婚戲，但由於栢芝表示感冒加重，要請假返香港醫治，故王晶先跳拍栢芝的文戲。
無辜被打嗎啡
栢芝剛到場時表示狀態好好，但接着又說：「雖然有少少感冒，但係我會頂硬上。」但拍了一會後，栢芝便謂感冒加重，拍了三小時後，王晶便讓栢芝離開。栢芝說：「我唔知係乜病，應該係重感冒，成個人冇晒力，啱啱嚟到唔係太嚴重，但愈拍愈病。」
問栢芝為何不在內地睇醫生而要趕回香港？她說：「我試過喺北京一間醫院睇醫生，醫生都唔知我乜病，無啦啦幫我打咗幾支針，後來查番先知佢幫我打咗幾支嗎啡針。但當時又冇同我講，自此我決定以後都唔喺內地睇醫生。」
古巨基之前已患上感冒，他說：「噚日我同栢芝同車返酒店，佢喺架車度瞓覺，我除咗件外套畀佢冚住。」栢芝亦說：「可能係我瞓覺時吸晒佢啲病菌。」
尋回臨記屍體
此外，王晶執導的內地電視劇《浴火鳳凰》日前在上海黃浦江拍攝，一位臨時演員被江水沖走，昨日已找到該臨時演員的屍體，王晶對此說：「公司做緊嘢㗎啦，盡量幫死者家人，我哋畀咗一筆錢佢家人應急，有關身後事或者補償嘅問題到時再傾。」
