宋芝齡近日與李力持合作推出一系列介紹韓國吃喝玩樂的影碟，日前二人到阿Rain和宋慧喬主演的《浪漫滿屋》中的FullHouse拍攝。芝齡笑言幻想自己是喬妹，跟阿Rain共處FullHouse，感覺浪漫。
中韓混血兒宋芝齡因為香港大吹韓風而工作不斷，除了擔任多個活動司儀及繙譯工作外，近日更與李力持合作拍攝一系列介紹韓國旅遊及吃喝玩樂的影碟，名為《韓遊宋芝齡》。
玩盡各景點
這一系列影碟將分作購物、飲食、美容和觀光篇，詳細介紹各個景點及吃喝購物攻略。日前宋芝齡與李力持到韓國取景，先後到「愛寶樂園」全天候開放的「加勒比海水上樂園」、韓劇《浪漫滿屋》的FullHouse，以及《悲傷戀歌》中的大屋參觀。
宋芝齡說：「《悲傷戀歌》嗰間大屋啱啱翻新完，遲一步會開放畀遊客參觀，多得韓國觀光公社幫忙，我同李力持可以成為第一隊入去拍攝嘅外景隊，真係覺得好榮幸，我哋去到嗰陣，重有好新鮮嘅油漆味道㖭。至於FullHouse，之前大家只係可以參觀間屋嘅外圍，但近日已經開放埋屋裏面畀遊客參觀，大家可以入屋裏面睇吓阿Rain瞓嗰張床係點，又或者幻想吓自己係宋慧喬，同阿Rain一齊喺間屋度相處嘅情況，感覺好得意㗎，如果同男朋友去重浪漫。」
須網上預約
宋芝齡續說：「不過我要畀小小貼士大家，FullHouse每日只係開放到下晝兩點，如果想參觀屋裏面嘅話，一定要喺網上預約，聽講一公開預約之後，頭三個月嘅booking已經滿晒，想去嘅話就要預早準備。」
採訪：戴彩煥
