自從澳門收緊投資移民政策,加上銀行加息等因素,令樓市轉靜,而有關市道評論,一向都係啲大代理行發布,最近連仲量聯行呢類大測量師行,都出報告講吓。 據仲記講,澳門第二季有部份炒家未完成交易,就急於將物業脫手,令樓價受壓,雖然係咁,高級住宅市場所受影響輕微,因為呢類買家一般對加息無咁敏感,亦都較為重視長遠投資。 估計單係第二季,高級住宅租金及價格,都會升七巴仙,至於上半年,租金售價升七巴仙及一成四,可見投資者與發展商都重睇好澳門商機。