近日忙於為新碟宣傳的鄧麗欣（Stephy），日前到車行睇車，只見Stephy在現場興致勃勃詢問車行職員有關車的問題，而她對一架深藍色日本Toyota「bB」房車情有獨鍾，更親自一試房車性能。
現時獨立發展的Cookies成員鄧麗欣將於下月五日推出首張個人專輯，雖然近日她為新碟宣傳忙個不休，但日前亦不忘抽空相約兩位女性朋友到天后AutoGallery車行睇新車。
成日爭車用
Stephy一到車行即拉着職員詢問各車的性能，其間亦不時與兩位朋友細聲商量，只見Stephy對一架價值十六萬深藍色日本Toyota「bB」房車情有獨鍾，最後更要求職員讓她親自接載兩名友人，一起試車。
事後Stephy接受電話訪問說：「我𠵱家揸緊部銀灰色cube仔，當時我用十二萬二手價買，自己有車牌差唔多一年，部車係同屋企人一齊用，所以我想買多架自己用，費時成日好似要爭住用咁。因為自己鍾意bB外形夠得意，男女都適合揸，所以先計劃買車，但係都要同屋企人商量吓，先可以扑鎚。」
為新碟失眠
將於下月初推出首張個人專輯的Stephy坦言現時心情緊張，由於壓力甚大，令她時常失眠，她說：「因為自己放咗好多心血喺裏面，就連發夢都係夢到自己出碟。如果今次新碟銷量同反應好，自己下個目標就會係買樓，不過都要努力儲錢先。」
採訪：駱華齡
攝影：林德雄
