曾被譽為無綫一線小生接班人的林峯，近期被勁敵吳卓羲後來居上，但林峯則稱良性競爭誠屬好事，而原來林峯很怕拍古裝劇，一來怕被觀眾定型，二來又怕頭套黐得多會甩頭髮。
林峯日前在銅鑼灣一間寵物店內，與七個月大的比照犬「饅頭」和九歲大的摩天使「叮叮」初次相逢，但林峯極得頑皮「饅頭」歡心，不停對他又舔又抓，弄得他滿面口水，到他抱着「叮叮」拍照時，「饅頭」又跑來跑去搶鏡，林峯亦像個大細路，玩得甚為盡興。
歡迎良性競爭
提到年前無綫多位小生包括羅嘉良和古天樂等離巢後，林峯曾被譽為一線小生接班人，想不到這年卻被勁敵吳卓羲後來居上，黃宗澤、陳鍵鋒與馬國明等亦對他有威脅，林峯對此則表現大方，他說：「佢哋每個人都有自己優點，佢哋好我都戥人開心㗎，最重要係要做好自己嘅事，良性競爭重好㖭啦。初頭呢個年紀嘅男藝人得我一個，好悶㗎，𠵱家好好多，得我一個又跑唔到乜出樣嘅。」
再拍怕被定型
不過近一年林峯主力拍古裝劇，在聲勢上似較為輸蝕，他卻說：「咁我嚟緊都會拍時裝劇《女人唔易做》，講真，個人角度就唔想拍古裝，心中對古裝有畏懼，因為拍太多啦，同埋會甩頭髮，但唔知係咪我呢個年紀拍古裝嘅人比較少，古裝又難搵演員。其實拍古裝唔係壞事，賣埠亦會好好，只係唔可以拍太多，之前拍嘅古裝已經夠啦，都儲咗一啲海外觀眾，再拍就會定咗型。」
對於之前有報道指林峯花弗，他卻懶理傳言，只說：「朋友知乜事，公司都信我，我咁大個仔拍過一次拖，約下女性朋友食飯，咁都係花弗嘅話，算囉。」
採訪：朱倬誼 攝影：仇志德
化妝：RaymondYip@MAEVONMAKEUPINSTITUTE
髮型：Machi@HairCorner
場地：．．．DOGJapanFashionFoods@Cafe
