新昌股東大會噚日召開，中原老闆施永青（圖）喺會上辭任新昌獨立非執行董事一職，佢解釋話要全情投入做好免費報《am730》。佢之前已辭咗醫管局嘅公職，遲啲重會辭埋另一家上市公司非執董職位。八方翻查資料，老施原來係華潤置地嘅非執董。
佢透露公司已擇定七月三十日本周六破格出版《am730》（原計劃只喺周一至周五發行），先會喺中原同利嘉閣分店派發，至於喺九鐵派仍在安排。佢估計首日發行二十萬份，一兩星期後先增加至三十萬份。
對於《頭條日報》，老施都好寸，佢話星島去年先賺得嗰四百萬，𠵱家每日免費派四十萬份報紙，幾乎一個月就燒晒去年度嘅盈利。佢更質疑星島出免費報紙令盈利狀況大變，只係由董事會決定就算，係咪應該同小股東交代吓呢？
至於中原嘅死敵美聯，今日就推出一份《七二九》地產專訊，總之你七三○，我就七二九，係要早過你！
傳真︰2623-9278
電郵︰[email protected]