戴夢夢日前獲邀成為國際名牌Caterpillar的香港區代言人，為最新推出的女裝學生鞋拍攝硬照廣告，當日夢夢穿着校服拍攝，故勾起她不少上學時被整蠱的回憶，她說：「以前日日着校服返學冇乜特別感覺，反而𠵱家着住又覺得好靚唔想除。」
夢夢又說：「𠵱家真係好懷念讀書嘅日子，試過有一次食lunch，俾個同學放咗包茄汁喺張櫈度，我又唔知坐咗落去，之後起身，成班同學一齊話我M到，搞到我即刻買過條裙返學。」
似十七歲學生
而由於今次是該品牌首度生產學生鞋，所以廣告商特別作市場調查，結果發現夢夢獲最多中學生選為「最有校園feel的女歌手」，夢夢知悉後說：「真係冇諗過，我都畢咗業兩年，可能之前拍《四葉草》關係，又或者我個樣生得細，早幾日先俾人話我似十七歲，講到我幾開心，重不停請人食嘢。」