倫敦上個禮拜雖然再遇恐怖襲擊，好在冇乜人受傷，但勢估唔到，會搞到上市公司龍昌要延遲公布業績。此話何解？話說龍昌主席梁麟，上個禮拜去咗英國參加個仔嘅婚禮，之後就飛返香港，啱啱好趕得切喺今個禮拜一公布全年業績，但咁啱得咁蹺，當地發生冇人想再見到嘅第二次炸彈襲擊事件。
龍昌執行董事王子安同蘭西講，就係因為咁，搞到主席返唔切嚟，開唔成董事會，最後連業績都要遲幾日至公布。
蘭西覺得，至緊要係一家大細都平安，因為咁而遲咗公布業績，相信股東都唔會責怪，香港嘅股東好有人情味嘅。蘭西順便喺呢度，恭喜梁生榮升老爺。
電郵地址：[email protected]