羅蘭姐（左）最近做咗紅太陽舞茸赤靈芝嘅代言人，日前出席咗個巡迴簽名活動，佢嘅fans有老有嫩，其中有忠實影迷重撐住枴杖到場支持，可見羅蘭姐嘅魅力依然，佢話：「好開心可以見返一啲多年嚟都咁支持我嘅街坊同影迷，雖然好耐冇見，但感覺都好親切。」羅蘭姐嚟緊嘅星期日又會出席喺青衣城舉行嘅義賣義診大行動，做代言人之餘亦可以做善事。