官恩娜（右）噚日以「第十七屆世界模特小姐（香港選拔賽）」嘅提名大使身份喺奧海城出席宣傳活動，佢話當年都係做模特兒先至入行，而「第十六屆世界模特小姐」季軍張穎（中）亦有出席。另外，官恩娜個妹Mallory今年十七歲，雖然生得亭亭玉立，不過官恩娜就唔想妹妹入行，佢話：「一嚟我唔想佢搶我飯碗，其實主要原因係我唔想佢太辛苦。」