夏天係戶外運動嘅好季節，如果可以將運動嘅時候見到嘅嘢拍低就更加好，最近三星出咗一部SportsMiniket，只係比一張八達通大少少，有齊拍片、影相、聽MP3、錄音、數據儲存同埋Webcam六大功能，內置1GB記憶體，支援MSPro，主機CCD只有80萬像素係美中不足嘅地方，呢部機最特別嘅地方係另設一個30萬像嘅電筒形「連線鏡頭」，配合跟機嘅裝置帶，可以將呢個鏡頭套喺頭、手臂或者腰上，加埋內置嘅電子影像穩定器，就可以一邊進行運動，一邊清楚拍低周圍環境，SportsMiniket重有生活防水功能，就算落住雨拍片都唔怕會整壞部機，不過$5,980嘅價錢值唔值得，就見仁見智喇！
記者、攝影：梁瑋瑜
SAMSUNG（28626001）
