駐港解放軍部隊有人事調動，廣州軍區政治委員楊德清上將噚日透過港府宣布，原解放軍陸軍第四十一集團軍政治委員張汝成少將，接任駐港部隊政治委員職務，原政治委員劉良凱少將就調去廣西軍區。楊上將表示呢次調動命令，係中央軍委主席胡錦濤近日簽發，而剛從四川返港嘅特首曾蔭權，就立即同新官張汝成會面，又祝賀張少將履新，專誠嚟香港宣布呢次人事調動嘅楊德清上將亦有一齊會面，港府方面就派保安局局長李少光做陪客。
張汝成話，駐軍會一如既往，嚴格按照《基本法》同駐軍法履行防務職責，為香港繁榮穩定作應有的貢獻。根據駐港解放軍資料，張汝成四七年一月出生，現年五十八歲，佢六四年十二月參軍，係廣東潮陽人。
爆料熱線：29290000、27860099
報料傳真：26239278
報料電郵：[email protected]