咬蘋果:潮氣天<br>紐約街霸飄移訪港賣女求型

咬蘋果:潮氣天
紐約街霸飄移訪港賣女求型

多得漫畫《頭文字D》,令更多人認識「飄移」呢個用嚟形容車速的Terms,不過今次用「飄移」形容圖畫似乎更恰當。講緊係來自美國紐約的街頭藝術畫家WKInteract,雖然佢唔係GraffitiArtist,但作品經常出現於紐約街頭,他筆下的人物充滿動感與活力。WKInteract冒起初時,已深得各界潮人歡迎,今次親身首度來港搞展覽,當然要把握機會與呢位仁兄做訪問兼欣賞其充滿動感的作品。

記者:胡卓琳
攝影:陳陶鈞

極罕2呎海報

全場最貴的WK產品係2呎高海報,來自WKInteract不同年份包括早年軍事、逃生等主題作品,加埋WKInteract的親筆簽名,美金賣到US$150一張,全球限量發行101張。極罕!

飄移藝術主腦

現年35歲的WKInteract,原名EddyDesplanques,法國出生,曾修讀Design、Art、Architecture。早年移居美國開展其PopArt生涯,喺紐約Soho區不難發現他的作品。他認為自己的畫是一種街頭語言,作品多以人物為主,配以一些近似20世紀初Futurism般的動感融入畫面之內,加強了作品的個人風格。他曾經與BEAMS、山本耀司、YAMAHA、adidas、Dr.Martens等合作,過去亦曾於德國、美國、日本、澳洲等世界各地舉行個人展覽。(網址:www.wkinteract.com)

a.充滿WKInteract作品的紐約街頭,當然包括早前WK為adidas所畫的作品。

b.Rescue2002用自己女朋友的樣作為其中的圖案,女友必定冧爆!

c,d.每幅來自WK的StreetArt都是充滿動感,似係睇緊一幅相片多過睇圖畫。

■進入展覽會場就會見到貼滿WKInteract的街頭作品,重有WKInteract帶來的Display以及他平日所採用的畫畫工具、由垃圾膠袋造成的衫、貼滿封箱黑膠紙的鞋。

WK動作電影

「我的創作靈感來自身邊的一切,包括時裝、音樂、身邊的人和事。因為我喜歡以人作為創作主體,並從Space(空間)、Motion(動作)以及Imagine(幻想)三個大方向出發。我覺得每一個個體都有動作,所以我的作品都會有不同的Action同Movement,令睇的人有如睇緊一套電影或者欣賞一個動作的感覺。」

■WKInteractExteriorInteriorAct2畫冊$390
呢本有關WKInteract的彩色畫冊,內容包括多年來WKInteract的街頭及展覽作品,睇完之後你會更驚歎Eddy出神入化的畫功,絕對值得珍藏。

黑白夠直接

「我的創作有自己的風格,我希望將平日日常生活中大家唔留意的事物表達出來,而且我的作品只有黑與白,因為黑色同白色兩種鮮明對比的顏色,可以令欣賞的人更容易同直接得到我想表達的Image。」

■WK的Logo以指模作其招牌標記,Eddy話指模係一個充滿動感的城市地圖。

■Eddy亦曾經畫過李小龍,畫佢的原因就係欣賞BruceLee過人的毅力。

獨家村創作

「短期之內都未有考慮跟其他品牌合作,因為始終每個設計師都有自己不同的創作風格,所以要搵一個同自己有共同創作元素的品牌比較困難。未來日子,我將會繼續自己的創作,以一貫的創作Style建立WKInteract的Label。」

街頭藝術展覽

帶領獨特的街頭藝術文化,WKInteract今次訪港的展覽以UrbanStreet為主題,展出過去14年於紐約的創作生涯,並從作品中集合了他曾於不同城市設計的項目,名為「thecitymixoftaginmotion」。展覽用上特大印刷效果及美術拼貼,充份展示出WKInteract的創作風格。

型人有Say

世界級藝術家來港,自然成為潮界盛事。為隆重其事,WKInteract訪問開鑼當日,就搞咗個小小的GrandOpening,城中不少型人亦有到場支持,想知型人有咩講,即睇!

LeeHawk(double-parkBuyer)
「我第一次喺NewYork街頭見到WKInteract已經覺得好吸引,佢無論喺靈感與創作上都好有自己的Style,非常特別!」

England(Writer)
「我比較鍾意WK早年的作品,因為人物的Movement較為誇張同突出,試想吓喺多姿多采的街道上見到WK黑白色的作品,都幾得意吖!」

Junkie(GraphicDesigner)
「認識WK係99年的事,嗰時喺NewYork街頭見到,被黑白色的對比吸引,超鍾意,重買咗Poster。」

Wallace(Designer)
「WK用黑同白兩隻對比顏色作為主色,夠晒Impact,亦令佢的作品更加有型。WK的作品好有Fashion味道,個展覽畀到我設計靈感。」

Brian(ShopOwner)
「好欣賞WK作品夠動感,Movement亦畫得好靚。最令我留下深刻印象的係其中有一幅畫一個正在滑板的人的動作,好正!」

從此擁有WK

WKInteractUrbanStreetExhibition
展覽日期:7月25日至8月21日
展覽地點:Exitbydouble-park(尖沙嘴漆咸道南73號地庫)
查詢電話:27221751

Back

Back

Back

Back

各$250
WKInteractToteBag