蔡卓妍（阿Sa）前晚與劉德華在數碼港拍攝新片《再說一次我愛你》，阿Sa前晚不肯回應早前被踢爆與鄭中基在數碼港睇戲一事，卻大談日前跟華仔拍濕吻戲，她大讚華仔濕吻功夫一流，令她熱血沸騰。
劉德華前晚與蔡卓妍、楊采妮（Charlie）和林依輪等在數碼港拍攝電影《再說一次我愛你》，早前阿Sa被踢爆跟緋聞男友鄭中基到數碼港睇戲，記者笑問阿Sa再到數碼港有沒有陰影？她即說：「我唔回應！」
「個心卜卜跳」
阿Sa不欲多談鄭中基，故當提到日前與華仔拍攝濕吻戲，她即滔滔不絕說：「大家冇伸脷，但因為要就機位而ＮＧ咗六、七次。同華仔濕吻感覺真係非常好，拍嘅時候都覺得尷尬，因為怕自己啲壞習慣會暴露出嚟，好似兩個人好埋身，自己就會鬥雞眼，拍嗰場戲之前，我同華仔都係食豬腸粉，可以講係豬腸粉之吻。」
問阿Sa覺得華仔的接吻經驗是否豐富？她陶醉地說：「幾好，佢又摸吓我個頭，又攬吓我，有難以抗拒嘅魅力，令我有愛上佢嘅感覺，個心卜卜跳，又熱血沸騰，可能我太陶醉，搞到有少少眼瞓。我同華仔又拍咗場床上戲，華仔露肩又露臂，將我成個人包住，不過梗係濕吻感覺好啲啦，真係一世難忘！雖然唔係真實，但係虛幻中錫過華仔已經無憾！」阿Sa又對記者說：「可唔可以唔好寫到我咁鹹濕，好似成個淫魔咁！」
采妮多床戲
對於被阿Sa盛讚，華仔笑說：「講到我都有少少尷尬，喺戲裏面我同Charlie冇親熱戲，因為佢有心臟病，唔受得刺激。」
Charlie則笑說：「我有好多床戲㗎！不過係病床、睡床同磁力共震嗰張床！」
採訪：張俊銘
攝影：何國豪
