立法會放假，好多議員都乘機放假出外唞唞，充定電再戰江湖，不過何俊仁（圖）就話自己冇假放。八方問佢點解？佢話因為今年係抗戰勝利六十周年，佢有好多嘢要搞。
原來何俊仁準備八月十三日喺香港搞一個名為「日本未完成的嚴重責任」嘅論壇，佢話已經請咗一啲國內嘅人來港出席，當中包括幾年前向日本政府索償、受日本「七三一」部隊毒害嘅中國人受害人王選女士，王女士係當年原告團嘅團長。
何俊仁係民主黨嘅中堅分子，又一直戴住支聯會常委頂帽，佢同八方講過，因為反日，早一段時間大陸對於佢可唔可以回國好似放鬆咗一啲，加上煲呔上場，大家都以為會有好轉。點知，日前陳佐洱一席話，佢先知原來冇變，只係更分化啫，佢估自己都係一樣列入不受歡迎之列。
爆料熱線：29290000、27860099
報料傳真：26239278
報料電郵：[email protected]