《經濟》員工踴躍認股 - 李八方

  《經濟》員工踴躍認股 - 李八方

《經濟日報》招股上市,今日中午截止認購。不過,員工用特別表格免抽籤嘅認股申請,應該噚日要交齊表。聽講該報嘅行家對公司好有信心,有人更借孖展入飛,不枉馮老闆咁多年來善待班夥計。如果最後能以較低價定價,下周掛牌時多啲水位上升,咁就更皆大歡喜。
有個有資格入粉紅表嘅行家問八方好唔好落重注。講笑咩,八方點識教人投資,你估係石Sir或者曹Sir咩。之但係,根據過往經驗,員工係唔怕認股嘅。記得當年明報上市,掛牌之後股價潛水,落飛嘅員工輸到眼眨眨,結果查老闆最後都肯按原價吸番啲股份──如果你肯賣。咁即係包底冇得輸啦。除咗報業,其他公司亦有同樣優惠員工先例。
所以唔使怕,放心啦,何況《經濟日報》咁掂,話唔定一掛牌就炒呢。


爆料熱線:29290000、27860099
報料傳真:26239278
報料電郵:[email protected]