孫燕姿噚日到商台接受訪問，佢話𠵱家正努力籌備緊稍後喺香港舉行嘅演唱會，噚日係首日公開賣飛，兩日嘅門券已經全部售罄，之前佢話過唔會再加場，問佢𠵱家會唔會改變主意，燕姿用國語話：「我還未決定，我只怕體力上應付不來，如果加場都會休息兩天才加場。」問佢會否唱廣東歌？佢話：「都會唱，現在都有練習說廣東話。」