代理行擴充大計，近一年半載都未停過，世紀21上個禮拜就參加咗個職業博覽暨招聘會，有近八百人查詢應徵，幾百個即場面試，真係爭崩頭。 世紀21都話，當中有唔少係應屆畢業生，八成申請前線空缺，相當進取。 佢哋原本打算聘請三十人，包括前線同埋後勤，而喺第二輪面試之後，結果取錄咗大約四十個應徵者。