八方噚日彈房委會啲商場管理僵化，話佢哋唔畀人搞展銷，點知即刻撞板。領匯嘅發言人話，佢哋最近就在旗下商場搞過一次Osim按摩椅嘅展銷活動，日後重會主動引入受歡迎嘅品牌搞展銷。
係就恭喜囉。據八方所知，房委會以前啲商場，為怕「利益衝突」引起租戶投訴，好難批准展銷活動。乜嘢利益衝突呢？就係如果商場有間銀行，咁就唔可以畀其他銀行推廣信用卡；如果有間玩具舖，就唔可以畀叮噹嚟，如果有間百貨公司，就幾乎乜都唔搞得。呢啲匪夷所思做法，在其他私營商場係唔會發生嘅。乜都唔搞得，咁個場又點吸引人流呢？
如果領匯搞完Osim之後，能夠繼續搞同類活動，咁啲場有希望。而啲租戶亦唔應該咁短視，淨係驚加租。香港地做生意，唔怕租貴最怕運滯，個場冷清清，唔使租都無謂嘥時間啦。
爆料熱線：29290000、27860099
報料傳真：26239278
報料電郵：[email protected]