劉德華的國語唱片《再說一次我愛你》下月四日全亞洲推出，今次大碟以情歌為主，日前他為唱片拍攝宣傳照，攝影師以紅線做構思，最初他用紅線綁着華仔的手指，其後又拿出紅色大麻繩，說要把華仔五花大綁，因為攝影師認為要綁着華仔十分困難，非要出動大麻繩不可。
勿當愛情開玩笑
對此華仔說：「要綁住我的確係一件比較難嘅事，我曾經俾一個女人綁過一次，我相信呢個都係世界上唯一可以綁住我嘅女人。」這女子其實是華仔的母親，他續說：「我細個好曳，媽咪試過將我綁起嚟罰，除咗佢都未有一個人可以綁起我。」
談到愛情觀，華仔說：「愛一個人係一件好大嘅責任，甘願被綁嘅話會係一件好快樂嘅事，否則就變成負擔或者傷害，我奉勸大家唔好拎愛情嚟開玩笑。」