政府新聞網通常都係用嚟發布政府嘅新聞訊息，但噚日上網，發覺佢哋以專訪形式，做咗一份由「政府新聞網」訪問嘅稿件，受訪者係香港機場管理局行政總裁彭定中。莫非新聞處真係開始擔起新任務，唔使靠港台。
彭定中話，香港機場必須將客貨來源地擴展至更廣泛嘅內地城市，以鞏固香港國際機場作為「中國門戶機場」嘅地位；而香港必須主動建立「空中橋樑」，令香港與內地經濟區域更緊密咁連接起嚟，咁至可以吸引到新嘅人流貨流。佢又介紹機場離港層嘅中央客運廊展出唔少雅致嘅藝術品，畀旅客享受具深度嘅文化藝術。講到航空公司同機場嘅關係時，佢話兩者就好似夫婦一樣，有時可能有唔同睇法，但始終相依為命。
呢個訪問，內容冇乜特別，不過訪問得彭定中，日後可以訪問高官、政客……邊個都得，唔頂心頂肺咪得囉。
傳真︰2623-9278
電郵︰[email protected]