人民幣升咗值，有人就話估計可以刺激大陸遊客多些來港消費，對零售股有利，尤其係同胞最喜歡的金舖就更加受惠，不過在近1年來，店舖租金就係咁升，不斷蠶食零售股的利潤。
在芸芸金飾股中，經紀陳就覺得恒豐金業（870）有得諗，一來佢PE低過人哋，生意又以展覽廳為主，承受租金升幅壓力相對同行為低，稍後迪士尼又開幕，又有一車車遊客到來參觀，點計都應該有利。
恒豐金剛於上周公布舊年業績，盈利增加73%，至1.066億元，除咗有末期股息2.8仙，更有特別股息1仙派。
查實恒豐金PE低過同行，原因就係佢在3月份時搞過一次3供1，每股供1.01元，集資1.86億元的供股計劃，導致股價一度被質，但你唔供時我供，大股東當時就額外認購咗唔少新股，令持股量由30.01%增至39.04%，家陣睇返恒豐金業績，睇落大股東當時決定果真英明。
恒豐金上周五上升5%，收報1.26元，成交股數1658.7萬股，金額2079.6萬元。
慕容小初