楊千嬅前晚在重慶出席港台活動，她險在台上仆倒後又因咪高峯失靈，要兩度重唱。千嬅忙辦爺爺喪事，她慨歎女兒身很多事情做不了，感歎若有男朋友扶持就好了。
楊千嬅、Twins、謝霆鋒、張栢芝、陳奕迅和王蓉等歌手，前晚在重慶市人民大禮堂出席由港台舉辦的「同心同根萬里行．太陽計劃2005大匯演」，千嬅表演期間，先是出場時險些在台上仆倒，之後又因咪高峯失靈和台上太大煙，而要兩度重唱。
互當透明
事後千嬅接受訪問時大叫好邪說：「唱得半首歌好離譜，所以要再唱過。近排我為咗搞爺爺嘅喪事好忙，自己係女仔做唔到好多嘢，如果有男朋友就會好啲。」舊愛鄭中基表示會親自向千嬅爺爺鞠躬，千嬅對此說：「我有收過佢message，總之有心就得，儀式係唔重要。」千嬅家人將為爺爺於周三在香港殯儀館設靈，周四舉殯，大殮後遺體移送歌連臣角火葬場火化，千嬅爸爸一向低調，所以到時不會接受傳媒採訪。
前晚Twins的蔡卓妍（阿Sa）坦言從報上得知千嬅爺爺逝世一事，她表示和千嬅不相熟，但當記者大讚千嬅表現專業時，阿Sa即搶住說：「阿嬌都好專業，佢之前都係咁，大家當時都好擔心佢啦。」阿Sa和千嬅出席慶功宴時，全程沒有眼神接觸，更互當透明。
栢芝咪嘴
而緋聞男女霆鋒和栢芝原有機會在台上碰面，不過未知是大會安排，還是兩人刻意迴避，始終沒有在台上相逢，及後更一齊缺席慶功宴。霆鋒事前接受訪問說演出後即要趕到萬州巫溪出席探訪活動，並表示不介意和栢芝合照。打頭陣演出的霆鋒更被一熱情女歌迷走上台擁抱。
前晚大部份歌手都現場獻唱，但王蓉和栢芝卻咪嘴演繹快歌。栢芝表示身體不適，堅持現場演繹兩首慢歌，但卻沙聲兼走音。
