滙標事件主角涂謹申𠵱家係律師，但佢細個時嘅志願原來係做飛機師，因為佢貪飛機師工作夠自由自在，只係佢老竇好希望佢做律師。阿涂冇講，揸唔到飛機係咪因為大近視，總之佢話做到律師，老竇就好開心啦！
阿涂噚日接受香港電台《舊日的足跡》呢個非時事節目訪問，終於有機會講啲同滙標冇關嘅事。阿涂受老竇影響好深，佢屋企開藥材舖，生意淡靜嘅時候，老竇就會將成份報紙圇晒，就連訃聞都唔會放過，所以都令佢好關心時事。
阿涂老竇重好反共。阿涂話，因為老竇細個受中共迫害，所以對共產黨冇好感，甚至發過毒誓話，以後唔會再返大陸！
傳真︰2623-9278
電郵︰[email protected]