銀行加息，令到住宅物業買賣雙方，對後市睇法嘅分歧擴闊，造就極速成交，中原張珂表示，九龍灣居屋麗晶花園十三座中層B室，面積四百七十呎，業主放盤唔夠兩粒鐘，就俾投資者掃咗，成交價一百一十萬二千，每呎二千三百四十五。
點解個投資者咁快就扑槌，原來佢以前都揸過唔少麗晶單位，已經沽清，所以要補貨，一見單位造價比市價低四個巴仙，即刻買入，執執之後就再放售。原業主一手買入，諗住平少少賣都有錢賺，套現搬返內地長住。
麗晶有二十年樓，但交通便利，兼且景觀唔錯，唔使擔心冇承接，而且，成交一向都係居屋屋苑之冠。
電郵地址：[email protected]