徐小鳳前晚舉行首場復出演唱會，即場宣布加開下月十二及十三日兩場演唱會，令歌迷開心不已。小鳳姐又埋怨擔任嘉賓之一的扮嘢高手盧海鵬常醜化她，斷送她一生幸福。
徐小鳳復出舞台的「金光燦爛徐小鳳演唱會2005」前晚在紅館開鑼，全場爆滿，小鳳姐穿上的五套歌衫全是她喜愛的大傘裙，最後壓軸一套更是最經典的波波裙。她又宣布加開下月十二及十三日兩場，共演出二十二場，令歌迷歡喜不已。
小鳳姐重踏台板感觸良多，當獻唱《隨想曲》和《順流逆流》時更忍不住落淚，不過她控制情緒後即安撫歌迷，哽咽着說：「唔使擔心，呢啲係開心眼淚。我唔識掩飾，唔似得好多朋友喊得好靚，我一喊就『烏呢單刀』。」
讚賭王舞藝精
小鳳姐又不斷爆肚搞笑，她問現場觀眾哪位藝人曾扮她唱歌，之後便邀請盧海鵬上台，小鳳姐說：「當時我真係幾嬲，我一生幸福都俾佢斷送，你一定要出嚟！你有冇帶波波裙嚟？你扮邊個似邊個，但扮我扮得最醜。」小鳳姐隨後叫鵬叔扮她唱歌，鵬叔即學小鳳姐唱歌時的嘴形及神韻，似模似樣，觀眾即報以熱烈掌聲，小鳳姐說：「乜我真係咁㗎？其實我唔係作狀，如果我唔係咁樣發唔到聲。」
後來響起探戈音樂時，小鳳姐即擺起姿勢，當大家以為她要表演探戈時，小鳳姐卻說：「我搞笑咋，我學咗十年跳舞，都只係學企穩，我知香港有人跳tango好叻，嗰個係何鴻燊（賭王），如果佢肯，可以嚟呢個玻璃光纖舞台表演。」嘉賓席上的四姨太梁安琪聽後笑不攏嘴。
有歌迷送禮物給小鳳姐，並大叫：「我愛你」時，小鳳姐即說：「我都好愛你哋，如果唔係我到𠵱家都唔嫁咩，其實我唔想陀累人啫，又奄尖腥悶，好多缺憾，費事累人啦！」
超時被罰五萬
演唱會在獻唱《婚紗背後》便完結，頭場演出超時數分鐘，共罰款五萬元。小鳳姐完騷後接受訪問時說：「加開兩場好開心，但唔會再加，因為紅館冇期。」
採訪：王連連 攝影：仇志德
