八方前晚去演藝學院睇《西九龍皇帝》加強版，見到好多熟人。王國興坐正後一排，再後啲有李柱銘，望去左邊又見到李國能，散場喺門口撞到李鵬飛……除咗咁多姓李嘅，重見到林山木，佢哋係咪同埋一齊嚟就唔知。此外亦見到有文化人及名嘴，不過唔係大班，大班噚晚至去捧胡恩威場。
胡恩威執導嘅呢套劇，最抵死嘅三節，八方認為係〈單一KillBill〉、〈吹簫員之死〉同埋〈繆思庵遇〉。記得上一次上映時，煲呔曾尚未坐正，佢個西九龍大計仍未放棄，但佢都有去睇戲。幾個月後套劇重演，特區已經翻天覆地。西九個天篷翻咗，單一招標亦大有可能覆沒，肥龍對藝術有自己見解，佢主政之下，啲「繆思庵」亦唔知起唔起得成囉。
傳真︰2623-9278
電郵︰[email protected]