民建聯主席馬力前日喺小西灣地區辦事處嘅開幕禮，得到煲呔大駕光臨，自然被視為擦民建聯鞋嘅舉動，事關民建聯以前請佢十次，煲呔都唔會現身一次，點解今次竟然咁畀面民建聯呢？
特首辦消息人士就嗱嗱聲澄清，話邊個黨派要煲呔一到佢哋嘅議員辦事處大筆一揮，簽個大名，煲呔都好樂意，總之逢請必到。就算係民主派請，佢都一樣照去，所以都冇乜大細超之分喎。言下之意係咪話，煲呔連民主派嘅鞋都會擦？
既然特首辦消息人士咁樣講得，民主派都不妨試試發出英雄帖，睇吓煲呔係咪真係咁一視同仁。
傳真︰2623-9278
電郵︰[email protected]