書展首次開夜市，禮拜六晚十點後免費入場，直至十二點。結果有成四萬人捧場，搞到會展一帶人又塞車又塞，加上有大群球迷追等曼聯球星，喺君悅一帶聚集，真係大混亂。
貿發局總裁林天福（圖）噚日上電台受訪，話今年書展入場人數會破紀錄。八方記得月中同林總裁食晏時，佢重好擔心夜市會唔夠客，所以只開一晚，亦唔敢開通宵，又話啲展商亦怕人手唔夠支持二十四小時營業。睇完前晚墟冚場面，明年貿發局大抵可以晚晚夜市，順便加啲場租，幫補擴建工程開支。
講開塞車，當日下晝因為球賽，銅鑼灣同窩打老道大塞車，夜晚書展灣仔又大塞車；深夜十一點幾，皇后大道中又大塞車。冬冬姨係咪要諗諗辦法呢？
傳真︰2623-9278
電郵︰[email protected]