不少家庭及公司，為求方便及衞生，訂購瓶裝蒸餾水或礦泉水飲用。太古可口可樂香港有限公司多名蒸餾水及礦泉水訂戶，投訴近月頻頻延遲送貨，其中一訂戶因家人患腎病，必須飲用較衞生的蒸餾水，因而大受困擾。
投訴一：
家庭用戶張先生稱：「如果唔係屋企人有腎病，我都唔會特登去訂佢哋啲蒸餾水，成日喺度等，又唔知等幾耐，搞到最終都係要自己買！」
自稱一肚子氣的張先生，對於太古可口可樂香港有限公司多番延誤送貨所帶來的不便，甚感不滿。
張先生說，由於其太太患腎病，家人擔心自來水不夠衞生及清純，一年多前開始向太古可口可樂公司訂購家庭裝蒸餾水供其妻飲用，但近月經常延誤送貨期，且「一日推一日」，不能落實送貨日期，家人須常出外購買瓶裝蒸餾水，非常不便。
近月經常延誤送貨期
「我哋每個禮拜都訂六、七瓶，你話幾大用量，佢哋已經唔係第一次延誤送貨，就算佢哋內部嘅問題，都唔應該影響客人！」
投訴二：
公司用戶梁先生投訴稱，已呆等了一個月。他說，他光顧這公司將近一年，每隔一個月便訂購兩箱合共八瓶，但近月因經常延期送貨，令公司職員「冇水飲」。
令公司職員「冇水飲」
梁先生坦言是為了方便、「唔想煲水」才訂購瓶裝蒸餾水；但近月該公司頻頻失約不送貨，他只好不斷地自己落超市購買。
投訴三：
家庭用戶韋小姐向記者申訴，只因自己喜歡飲用礦泉水，「我都訂咗幾年喇，近一個月送貨成日失約，又唔知要等到幾時，唔通吓吓請假喺屋企等咩！」
韋小姐不滿地說，她數年前已開始訂購太古可口可樂公司的家庭裝礦泉水，一直甚為準時。
韋小姐稱，但一個多月前開始，卻經常「唔見蹤影」：「佢哋講過話係送貨車隊嘅問題，但點可以將問題轉嫁落客人身上？」
轉送貨代理引致延誤
太古可口可樂香港有限公司跟進投訴後，市場傳訊部發言人回覆本報時，承認近期有延誤送貨情況，由於公司近月轉用另一間送貨代理，協調上有所不足、加上早前經常下雨，致出現混亂，尤其新界區較為嚴重，現已增派人手，並積極跟進，相信會有所改善。
（○七○九○○六）（○七○八○四三）（○七○四○五五）
服務熱線
電話：29908288
傳真：23702192
電郵：[email protected]