八方啱啱收到包浩斯（Bauhaus，係間賣時裝嘅上市公司，編號483，好多後生仔女鍾意佢哋啲衫，八方就未幫襯過）本靚靚年報，職業病又發作，即刻揭咗去人工嗰頁，發現包浩斯提早咗遵守新例，寫明到底邊個董事賺幾多錢。原來主席黃銳林同埋佢個董事老婆唐書文（圖），大家嘅年薪都係一樣，都係一百九十六萬大元，上市後加咗成三成六人工。
八方一向接觸開嘅上市公司，主席嘅人工多數都會高過其他董事一大截，好少見過差唔多，同一數目就更加少見，始終主席同董事做嘅嘢都唔同啦！唔知黃生黃太不同工但同酬，係咪一種尊重女性嘅表現呢？
傳真︰2623-9278
電郵︰[email protected]