活動Guide：<br>出位造型騎呢台風爭做第一家庭活動Guide：
出位造型騎呢台風爭做第一家庭
香港迪士尼樂園還未開幕，已有人為了成為「第一家庭」而爭崩頭，因得獎家庭可得到一張全年任玩通行證，可玩盡香港、美國和法國的迪士尼樂園，所以各參賽家庭都瞓身演出，希望以古怪造型及台風吸引評判團，唔信大家一齊跟我去睇睇啦！
記者：圓碌碌
攝影：眼啤啤
比賽當日各參賽家庭有一分鐘時間自由發揮，先講造型，有天使、魔術師、甚至超人特工隊都有。表演方面，一字馬最多人做，其次舞劍、耍太極、滑浪等運動，真係要幾奇有幾奇。經過評判團的篩選，最後15強已經誕生，他們將於8月13日再競逐，爭取「第一家庭」的榮譽。現在我們看看這15隊如何能夠成功入圍吧！
最揼本：盧展程家庭
盧家最愛入廚，花了$2,000度身訂做為食國王王后服裝，衫上貼滿各種水果圖案，還吊着羹叉等廚具。
最搞鬼：譚榮創家庭
一家四口扮「超人特工隊」，爸爸為了表現「大力先生」形象，更將兩個仔反轉又反轉，咁賣力實入圍啦！
岑啟邦家庭
全靠囝囝頭上的「巴斯光年」。
石磊家庭
變魔術、扮小丑、咁多花臣抵你入圍。
林社耀家庭
阿爸阿媽耍太極，囡囡跳舞，夠晒騎呢。
陳漢華家庭
爸爸笠住頭套扮熊人，夠搞鬼。
倪漢順家庭
以一身「海底奇兵」打扮，造型夠煞食。
李港勝家庭
一身花碌造型，齊齊跳舞，夠齊心。
經驗攞分：馬煒喬家庭
攞分全靠家擁有超過20次去迪士尼的經驗。
黎國鴻家庭
全場最細的BB女叼住奶嘴出場，超搶鏡。
最搶鏡：薛偉銘家庭
由精於設計的薛太出手縫製閃到爆珠片球衣，加埋爆炸頭，全家造型不過$400，已經成為全場最閃最搶鏡的一家。
陳惠根家庭
以清純的天使造型震撼全場，給人開心的正面感覺。
鍾志偉家庭
頭戴米奇耳，身穿整齊西裝公主裙，動作不多，以造型取勝。