舊衣物有價，不少人以環保為名，未經地政總署批准便在街道擺放鐵籠回收舊衣物，惟衣物用途成疑。本報連日接獲多區居民投訴，指鐵籠違法通街擺，地政署只貼通告要求物主移走鐵籠，只要將鐵籠稍移又可繼續回收舊衣物，根本難起阻嚇作用。
投訴一
何文田居民投訴稱，區內處處有回收衣物鐵籠，在窩打老道與何文田街交界、文福道與文運道交界、文福道與學餘里交界行人路，均經常擺放鐵籠，但無張貼政府批准文件，疑非法佔用官地擺放。
「我哋向地政署投訴，佢哋淨係喺個籠貼通告，要求物主二十四小時內移走，擺鐵籠嘅人咪將個籠攞去隔籬街繼續擺囉，或者換過另一款橫額貼喺籠上面擺喺原位，地政署就算再貼通告，又可以重新計時；根本啲人就係走法律罅，冇阻嚇作用。」
投訴二
樂富居民李先生稱，橫頭磡東道及富美街路邊，被放置來歷不明的衣物回收鐵籠。
「佢哋冇講明係邊個機構收集，又冇查詢電話，只係好含糊咁話係環保用途，究竟啲舊衫嘅去向，同賣咗衫啲錢用係邊，根本冇人知；好多人以為係做善事或者循環再用，冇諗咁多捐出舊衫，咁就俾人利用咗！」
本報記者前往樂富區查證，見富美街居屋嘉強苑和富強苑出入口，均放置有大型回收衣物鐵籠，鐵籠上宣傳字句未交代鐵籠屬那間機構，沒有查詢電話，亦未貼上地政署准許擺放告示。
投訴三
沙田居民何小姐投訴稱，安景街私人屋苑翠湖花園F座對開的回收舊衣鐵籠，貼有一張寫上「竹苗動力」橫額及一手機號碼，手機屢接不通，鐵籠亦沒有張貼地政署批文。
翠湖花園C座對開大涌橋路巴士站側有另一鐵籠，其上有一張紙只寫上一個手機號碼。本報記者致電手機號碼，一男子接聽，只稱舊衣是作環保用，但沒交代收益用途，他更晦氣稱：「如果你質疑，咪丟去其他回收籠囉！」（○六二三一○五）
（○七一三○五一）（○七一八○三○）
服務熱線
電話：29908288
傳真：23702192
電郵：[email protected]