過氣流行天王米高積遜（MichaelJackson）嘅老竇祖積遜（JoeJackson），剛喺前日於德國柏林舉行大型生日活動。雖然米高當日未能現身，但佢嘅兄弟Jermaine同Torino都幫老父嘅生日會搞得有頭有面。
攞走鹹書下體特寫相
正身處神秘地點休息嘅米高，被檢察官喺Neverland攞走大批鹹片、鹹書同米高生殖器嘅closeup相，準備做呈堂證供。經過一輪爭取後，呢個唔畀得人睇嘅證物，終於被判應盡快交還米高手中，總算令米高放心得落。
至於米高老父祖積遜前日就喺柏林某大酒店搞七十六歲大壽，有近千名嘉賓出席，佢兩個仔Jermaine同Torino除咗由美國飛嚟，重安排多項表演節目，當中包括請咗一批豔舞女郎助興。雖然祖積遜日前爆料話佢幫米高喺柏林物色緊重建Neverland嘅地點，但佢前日又改口風，話自已幫唔到個仔揸主意，重話米高短期內未必要定居德國，搞到班德國fans非常失望。
對於米高未能同老父賀壽，佢嘅兄長Jermaine即時幫佢解圍話：「早前單官司搞到米高身心俱疲，不過佢𠵱家好好，佢好攰，休息緊。」